SOMALIA NCD ALLIANCE ayaa bishan November bilaabay olole ballaaran oo isugu jira wacyigelin iyo baaritaanno caafimaad

November 4, 2025

𝐒𝐎𝐌𝐀𝐋𝐈𝐀 𝐍𝐂𝐃 𝐀𝐋𝐋𝐈𝐀𝐍𝐂𝐄 𝐚𝐲𝐚𝐚 𝐛𝐢𝐬𝐡𝐚𝐧 𝐍𝐨𝐯𝐞𝐦𝐛𝐞𝐫 𝐛𝐢𝐥𝐚𝐚𝐛𝐚𝐲 𝐨𝐥𝐨𝐥𝐞 𝐛𝐚𝐥𝐥𝐚𝐚𝐫𝐚𝐧 𝐨𝐨 𝐢𝐬𝐮𝐠𝐮 𝐣𝐢𝐫𝐚 𝐰𝐚𝐜𝐲𝐢𝐠𝐞𝐥𝐢𝐧 𝐢𝐲𝐨 𝐛𝐚𝐚𝐫𝐢𝐭𝐚𝐚𝐧𝐧𝐨 𝐜𝐚𝐚𝐟𝐢𝐦𝐚𝐚𝐝 𝐨𝐨 𝐥𝐚 𝐱𝐢𝐫𝐢𝐢𝐫𝐚 𝐱𝐚𝐧𝐮𝐮𝐧𝐤𝐚 𝐦𝐚𝐜𝐚𝐚𝐧𝐤𝐚 (𝐬𝐨𝐧𝐤𝐨𝐫𝐚𝐰𝐠𝐚). Ololehan waxaa si dhow uga qeyb qaadanaya Wasaaradda Caafimaadka Federaalka Soomaaliya, Ururka Dhakhaatiirta Soomaaliyeed (SMA) iyo Jaamacadda Banaadir.

Mid ka mid ah hawlaha muhiimka ah ee ololahan lagu bilaabay ayaa ahaa tababar gaar ah oo loo qabtay ardayda caafimaadka ee Jaamacadda Banaadir, kuwaas oo ka kala socday qeybaha caafimaad ee jaamacadda.

Tababarkan diiradda lagu saarayay kor u qaadidda wacyiga ardayda ee ku saabsan xanuunka macaanka, barashada habka baaritaanka macaanka, iyo sida bulshada loogu gudbin karo aqoonta iyo fariinta ka hortagga cudurka macaanka.

In ka badan 300 arday (oo ay ka mid yihiin 160 dumar ah iyo 140 rag ah) ayaa ka faa’iideystay tababarkan. Ujeeddadiisuna waxay ahayd in ardayda lagu xoojiyo fahamka cudurka macaanka, daryeelka dadka la nool cudurkan, iyo muhiimada ka hortagga hore.

Tababarkan wuxuu qayb ka yahay dadaallada joogtada ah ee ay SOMALIA NCD ALLIANCE ku hormarineyso wacyigelinta iyo iskaashiga hay’adaha caafimaadka si loo yareeyo cudurrada aan la iska gudbin (NCDs) ee sii kordhaya dalka.

Ugu dambeyntii, SOMALIA NCD ALLIANCE waxa ka go’an in ay bulshada Soomaaliyeed gaarsiiso faham iyo aqoon ku dhisan cilmi, si loo helo bulsho caafimaad qabta, loogana hortago cudurrada daba-dheeraada sida macaanka, dhiig-karkaiyo Kansarka .